طريقة تحضير دبلة تونسية.

طريقة تحضير دبلة تونسية : 

▪الطريقة : 

تركض بيضة  مع باكو فانيليا؛رشة ملح صغيرة وعصرة قارص؛ ثم تاخذ مغرفة كبيرة زبدة تذوبها و تزيدها للخليط  (أو تنجم  تخلط نصف مغرفة تذوبها وتزيد معاها مغرفتين زيت نباتي ) ثم تزيدهم كاس صغير متاع تاي ماء الزهر؛وفي الاخير تزيدها الفارينة مع نصف مغرفة صغيرة خميرة كيميائية تزيد الفارينة تدريجيا حتى تتلم العجينة وماتكونش طرية برشا تعجن مليح ثم خليها ترتاح ساعة وبعد اطرح العجينة بالقلقال والنشاء وتكون جويدة حتى تولي شفافة؛ تقطعها شرائح وتقلي في زيت حامي ثم تشحرها بشحور بارد وترش جلجلان .

الشحور  : كاسين سكر عليه كاس ماء وعصرة قارص

 

▪ Astuce : 

1- تقليها في كسرونة " casserole "  موش في القلاية خاطر لازمها زيت غزير  و نار متوسطة .

 

2- تقليها باستعمال الفرشيطة "  fourchette " : تاخذ شريط تدور منه طرف على الفرشيطة وتحطه في وسط الزيت و انت باقي تدور  في الشريط عليها دائما  داخل الزيت حتى تكمله ؛ تخليها تشد روحها شوية بعد تنحي الفرشيطة وتقلبها باش تكمل تطيب . 

صحة وبالشفاء  🌷

#رفيقة *