سمير الوافي يتوجه للقضاء: "ساعات وحده تهزها ساقيها... للهاوية

سمير الوافي يكشف : "ساعات وحده تهزها ساقيها... للهاوية 

و كتب سمير الوافي على صفحته الرسمية بموقع التواصل الاجتماعي فايسبوك التدوينة التالية:

ساعات واحد تهزو ساقيه للهاوية من غير حتى وعي بالخطورة...فمة وحدة نكرة ومنسية في العادة ديما نحقرها لكن المسكينة عطاتني فرصة باش نخلص القديم والجديد وعملت فخ لروحها وطاحت فيه...هبطت ستوري فيه ثلب واضح وثابت لشخصي...

ووصف يعاقب عليه القانون...وللأسف غبائها ورطها في قضية من حيث لا تعلم ولا تفهم...

وبناء عليه يتولى المحامي رفع قضية فورية بعد أن تمت معاينة الستوري المذكور في أنستغرام...أهلا وسهلا !

وفي تدوينة أخرى أكد الوافي:"  التهديدات التي تصلني بطرق مختلفة من مافيات التيك توك بسبب إثارة مواضيع تبييض الاموال والدعارة لن تخيفني...ولن تغير موقفي...مهما كانت أياديهم طويلة...وما رضاء الله الا برضاء الوالدين...!!!

وأضاف الوافي في تدوينة ثالثة : راهو موش كل واحد يستدعاوه للتلفزة يعني شخص مهم ونجم وشخصية بارزة وقصة نجاح !!!

في كل قنوات العالم...فمة ناس يستدعاوهم خاطر تافهين باش نفهمو منهم التفاهة وننقدوهم ونكشفوهم قدام الناس ونفضحوا مستواهم الحقيقي قدام المنبهرين بيهم...أو ناس غلطوا في حياتهم باش ناخذو منهم دروس ونتعلموا من تجاربهم المأساوية...أو حتى مجرمين يحكيو على قصة حياة أو تجربة أو غلطة باش الناس تتعلم منهم الفرق بين الرذيلة والفضيلة...والخطأ والصواب...التلفزة تستدعى التجارب الخايبة وقصص النجاح...السعداء والتعساء...الناجحين والفاشلين...الباهين والخايبين...والناس يتعلموا من قصص النجاح...ولكن زادة من تجارب وأخطاء ومآسي وفشل غيرهم...!!!

لذا إذا إستدعاوك للتلفزة رد بالك تحس روحك مهم...والا نجم...والا شخصية كبيرة...خاطر يمكن ياسر مستدعينك باش ينقدو تفاهتك...باش يقدموك كنموذج خايب ما يلزمش يكون قدوة...وباش يقارنو بينك وبين الناجحين الحقيقيين...وباش يتكشف مستواك الحقيقي قدام الناس المنبهرة بيك والمخدوعة فيك...المهم ما يلزمش تبييض المجرمين...وتجميل الخايبين...وتلميع التافهين حتى اذا إستضفناهم !!!!!!