أنا توا عندي شهر ملي روحت ، ولتوا مانيش فاهم حتى شي قاعد نستوعب ... في اوتيل 9 ديسمبر مشيت عندي عرض متاع خدمة في صفاقس كي خرجت نلقاهم يستناو فيا مشيت معاهم وتعامل كان بكل احترام ، قالولي باش نسألوك شويا أسئلة وتروح ،
أما أنا عرفت إلي مانيش مروح ... أنا عندي مدة شادد ثنيتي خدمتي لا عندي وقت لا لقعدات لا حتى شي وفي الفترة الأخيرة توفى الوالد وتربطت في صفاقس برشا لأنو والدتي تكمل في عدتها وكان مازللها شهر وقتها ...
دخلنا للمركز قالي تعرف فلان قتلو مانعرفوش قالي حل تاليفونك قتلو مانحلش قالي تحلو عند التحقيق ، ماعطيتش تاليفوني باش يدخل للمعطيات الشخصية متاعي! ...
بتنا الليلة لولى ، خرجونا نبحثوا وعرفت الجريمة من غدوة هي توزيع وترويج وعرض مواد مخدرة ، أنا دخت كيف قالي هكا ...
أنا قبل عديت 10 سنين حبس وخرجت ... أنا لتوا مدبرم وحتى عايلتي خلاف أمي واختي وخويا ماحكيت مع حتى بشر وطلبت من أمي ماتجيبلي حد ...
ياسر خايبة إنك تمسني في سمعتي حاجة توجعني أنا أكثر من لعباد وقلقتني برشا ، أنا توقفت من خلال اختبار هاتف وقعدت في الايقاف شهرين و 17 يوم وتعداو أطول من 10 سنين ، عذاب
Tags:
منوعات